馬國明膽生毛 叫黃智雯「唔着」

劉佩玥（左）與黃智雯裝束打扮相近，十足姊妹花。

日前馬國明與黃智雯、劉佩玥（Moon）及陳瀅在石硤尾拍電視劇《降魔的2.0》外景，馬國明指今次一拖二拍拖：「雖然係兩個人拍拖，但係三個人gathering，係個好特別嘅場口。因為會講Moon上咗Mandy身，同我玩一日。」Mandy指馬國明在戲中好艷福，除了正印女友Mandy及暗戀他的Moon之外，還有新加入的譚凱琪。

「係你幻想啫」

Mandy在劇中飾演醫生，開心表示今輯會獲得一種能力，如願加入降魔行列：「上一輯見佢哋降魔，覺得好有型。」馬國明說若再有新一輯，建議Mandy可以性感上陣降魔，她即時大潑冷水說：「你諗多咗！」不過，他大爆稍後有場戲是講述譚凱琪與Mandy齊以性感打扮出現：「我都好想知係點性感法！」Mandy即說：「係你喺劇中嘅幻想情節啫，寫就係咁寫。」馬國明聞言反譏：「咁你唔會着件樽領衫出現囉！」Mandy笑言：「咁着醫生袍都可以好性感。」馬國明即說：「咁除非入面乜都唔着啦！」

馬國明在劇中周旋於黃智雯及劉佩玥（左）之間，分外風騷！

陳瀅客串做開心女鬼？

Moon「嫌棄」胡鴻鈞

至於Moon直言這場戲對其角色很重要，故前一晚緊張至失眠，在戲中她一直暗戀馬國明，問到會否想監製安排另一半給她，她反應甚大地說：「我怕又安排胡鴻鈞畀我，之前幾套劇都係做一對，幸福唔可以勉強，有時自己一個人仲開心。」笑謂下次兩人可飾演母子。另外，陳瀅為劇集客串扮演女鬼，開心可以跟好姊妹Moon合作。