周國豐太太三度佗B仔
名人周國豐（Brandon）與太太黃泳霖（Jenny）育有分別9歲和7歲的兒子，近日Jenny宣布懷第三胎，也是男B，預產期為6月。已懷7個月身孕的她前晚與老公出席活動，Brandon表示獲知添「豬仔」時很感恩，但笑說：「產前抑鬱就冇，但少少淆底，因為諗住以後唔使湊，不過順其自然啦！」問到會否鍛煉好體能迎接新生命？他說：「之前畀兩個玩謝咗，都冇乜準備，但就冇之前兩個仔出世時咁緊張，Jenny佗今胎初時都有嘔，依家舒服晒，可以四圍去，5月應該要閉關。（想唔想追女？）見到人哋啲囡囡好嗲爹哋，若再生第四個唔係唔得，如果都係仔，係我唔得喇！」
