任達華膺最具影響力男星

型男影帝任達華昨晚獲頒發「最具影響力電影男演員大獎」，他表示開心，並說：「會朝住多媒體方向發展。好同意人哋話多一條皺紋、多一份智慧，多作唔同嘗試對拍戲好有幫助。」而另一型佬馬德鐘則表示來戥人高興：「我負責頒『最具影響力中國人氣廣告代言大獎』。（你都有資格攞！）我都幾有影響力，影響咗陳山聰開始茹素。」山聰即說：「一開始食已經瘦咗8磅，精神好咗。最開心係近期同姚子羚拍劇，佢食咗素好多年，佢煲素湯益我，咁我女友又煲番啲叫我回敬佢。」