李彩華預告減產 開Turbo造人

李彩華悉心打扮，不料長裙被踩爛。

李彩華（Rain）、黎燕珊、黎耀祥、陳豪、陳煒、阮兆祥及徐子珊等昨晚到九龍灣出席頒獎活動。悉心打扮的Rain落台時因群情洶湧，竟被踩爛裙腳。她受訪時透露婚後一直與老公唱「分飛燕」：「結完婚我拍咗套劇，4月又要再開工，月底約咗老公見面。」談到造人大計，她表示將搏殺多一年，明年才會減產全力追B，又Sweet地說：「依家日日同老公Video Call。（點解咁快決定結婚？）其實大家識咗好耐，佢一直暗戀我，直至去年我分咗手，佢就開始追我。佢話耽誤咗時間，我就覺得係上天嘅安排。」

阮兆祥10月開個唱

同場的黎燕珊盛裝現身，獲頒發「最具影響力專業演員貢獻大獎」的她說：「開心嘅！嚟到撞番以前劇入面嘅老公白彪，大家交換番聯絡，最好可以再合作拍劇，演老夫老妻。」至於同經理人公司的阮兆祥及徐子珊孖住受訪，祥仔表示本月剛約滿無綫：「喺TVB工作咗30年，想接受新挑戰。歌手出身嘅我將會出唱片，又計劃10月開演唱會，短期內都好忙。」而徐子珊表示要準備心理學碩士論文，目前工作以商演為主。

黎燕珊不讓其他美魔女專美。	白彪	陳豪繼續Chok勻全場。
阮兆祥與徐子珊於活動上碰頭。	遭踩爛裙	黎耀祥與陳煒出席盛會。