「忠粉」張栢芝前晚捧場撐許廷鏗，在社交網分享大量場內短片，包括跟着合唱的自拍片，大讚演出令人感動！全程戴黑超睇騷的她原來眼睛發炎，騷後自拍短片說：「唱到喉都沙晒，已經眼睛發炎，仲畀你個衰仔整到人哋喊埋！不過你個演唱會真係好犀利，Oh my god，冇聲嘞，你還番畀我！」又打趣留言：「眼睛發炎都堅持要睇你，係值得嘅，真的，好得！（我想問牙醫可唔可以治療失聲？）加油，一場太少了！」
雖然身體抱恙，但栢芝湊仔大過天，昨晨六時已起床為兒子煮早餐，不少網民都大讚她是好媽媽！