評MJ「性侵」 ：男童冇咩事芭芭拉捱轟

著名歌手芭芭拉史翠珊（Barbara Streisand）近日回應已故天王米高積遜（Michael Jackson，MJ）被翻炒涉孌童的是非，自言相信於紀錄片爆料的兩名男子，但就語出驚人表示：「你可以形容（MJ）為『性侵』，但對於嗰啲小朋友，就好似大家聽到佢哋（於紀錄片）咁講，佢哋去嗰度（MJ屋企）係好開心嘅！咁佢兩個依家都結咗婚，各有家庭同小朋友，所以（性侵事件）對佢哋都冇造成好大傷害。」講到MJ施襲都並非大事，反而指摘兩男的家人當年容許小童於MJ大宅過夜才導致事件發生。