阮嘉敏當哥哥牛咁騎撞親頭爆喊
藝人阮嘉敏（Mandy）小時候跟現在同樣眼仔睩睩，屬於靚女一族，由於父母忙於上班，接放學的重任落在比她大6歲的哥哥身上：「我幼稚園放學嗰陣，大多數都係哥哥接我，佢仲會買嘢畀我食！」
不過，原來哥哥曾經令她爆喊，她直言到現在仍未報到仇：「我讀小學嘅時候，哥哥已經係中學生，有番咁上下高。有一日我喊，佢為咗氹我就同我玩騎牛牛，點知當時屋企樓底矮，我騎咗上哥哥膊頭之後，佢一起身，我個頭就撞咗落天花板，結果我喊得仲犀利！」最後哥哥惟有陪她玩公仔，又帶她落街夾糖：「佢畀我任夾！其實諗番都覺得幾好笑，就因為咁，我同哥哥感情比較好，可能仲好過同爸爸、媽媽。就算我哋依家大個咗，哥哥都仲會同我扮公仔聲玩公仔，又會一齊行街、睇戲！」
