簡淑兒「 型」難而上做滑雪女神！
「仙氣女神」簡淑兒（Jessica）外表似弱不禁風，但竟然超愛Snow Board，在漫天飛雪的雪山上，她踩住滑雪板在雪地左穿右插，變身「滑雪女神」，還以為她有多年經驗，原來只是滑了四、五次。能夠「速成」滑雪技術，她笑言全靠一個「型」字：「Snow Board好型囉！好想試，好想玩到，所以專登去上堂。」
Jessica在運動上確有小天分，但成功都要從跌開始：「嗰時一啲都唔識o架，跌到全身瘀晒，同朋友上山滑，佢哋又話易學，其實呃人嘅，跌到好痛，第二日起身全身散晒，嗰次之後就去上堂，愈滑愈鍾意。」她稱不少人都估不到她愛Snow Board：「因為我外表實在太女仔，但我鍾意好自由嘅感覺，所以有學電單車、策騎、賽車、溜冰，呢啲運動都可以一個人玩，可以跟住自己速度去做，而鍾意滑雪都係呢個原因。」
