苟芸慧行性感老公鍾意
藝人苟芸慧前晚出席代言投資產品三周年派對，談到投資心得，她表示近兩年賺到錢，會用作投資，但她只識投資「磚頭」，在加拿大有物業，香港則未有，笑言希望「搵多啲」。稍後她會用私己錢請老公去馬爾代夫旅行，屆時會叫對方幫手影泳裝照。
談到接下來的工作，她透露：「嚟緊會返內地拍網劇，十二集戲但拍足個幾月，因為係歌舞片，我要跳Jazz Funk，依家練緊嘞。（性感演出？）今次角色唔會好性感。（老公唔畀？）我覺得佢鍾意性感嘅我，佢亦好大方，好多嘢由我決定，但拍親熱戲要早啲話佢知，或者佢會嚟監場。」