阿仔呻一句 陳爽「怪獸」醒覺

前華姐陳爽婚後淡出娛樂圈，專心相夫教子，兒子梁駿彥（Adrian）開始上學後，為了贏在起跑線，她幫囝囝報讀五花八門的興趣班，不知不覺間就變成「怪獸家長」。

壓力大都要開心

她說：「希望佢各樣都好好發展，同佢報咗好多興趣班，發現囝囝真係好忙，有次佢上興趣班前食飯，佢話『好攰，我想玩多啲！』突然覺得佢好慘，所以同老公決定幫佢強身健體，多啲出去做戶外運動，令佢身體強壯先可以去搏殺。」

擔心子女輸在起跑線，令父母感到壓力，陳爽靜下來重新思考，發現孩子健康快樂成長才最重要：「雖然壓力好大，但大家唔好忘記小朋友需要一個開心、健康嘅環境成長。」

陳爽全副心機湊一對子女。	大仔Adrian踩單車放電。	陳爽怕曬都要陪囝囝做戶外運動。

多運動快樂成長

現在她不時帶仔女到戶外進行親子活動，多呼吸新鮮空氣，讓囝囝接觸不同的運動，鍛煉健康的體魄。而只有2歲的細女梁語嫣（Ashley）已經識行識走，經常跟在哥哥後面，十分可愛。陳爽自言是跟着兩個孩子一起快樂地成長，不禁感動地說：「做一個媽媽，是我這輩子最棒的角色。」

育兒小貼士

重視感受：

每個孩子為獨立個體，多傾談及讓他們可以選擇，不對孩子發出命令。

教導取捨：

讓孩子知道玩的時間多了，聽故事的時間便少了；買了這個便不能買那個。

培養同理心：

父母要代入孩子角度，同時讓孩子代入媽媽的角度，溝通更易。