黎美言內地開拳館目標50間！

藝人黎美言（Winkie）昨日為好友袁晴晴（Coco）在旺角開設的台式飲品店開幕撐場，雖然兩人剛認識不久，但Winkie讚Coco充滿熱誠。至於其拳館生意，Winkie透露有鴻圖大計：「計劃5至8年內，喺內地開設50間連鎖店，已經有投資者，當然我都係投資者之一。其實大家見唔到我嗰陣，我就好努力去讀企業課程，有關打拳嘅牌都去考，嚟緊仲會同一間學校合作出教練牌，想培訓多啲助教。」Winkie轉戰商界，希望40歲退休：「依家31歲，同男友都好穩定，希望盡快結婚生B。」