麥明詩做紅娘 （同屆港姐）羅丹虹嫁才俊
麥明詩充當「現代紅娘」，成功撮合同屆港姐羅丹虹與金融才俊訂婚，她笑言要有「回報」，叮囑對方記得介紹筍盤。談到擇偶條件，她表示要「靚仔過上一個」﹕「人要有進步空間！」
麥明詩於社交平台爆料，指日前參加羅丹虹的訂婚派對，並留言：「恭喜Ed同埋Ann，作為媒人之一，見到你哋三年嘅感情喺白色情人節嘅晚上修成正果，深感欣慰！」又打趣叫準新郎記得「找數」，要為她牽紅線。
昨日麥明詩到尖沙咀出席沐浴產品活動，主動向記者提及此事：「準新郎其實係我朋友，佢從事金融行業，應該識得好多金融才俊。我依家都忙Keep Fit，希望向女神界邁進一步。（有乜擇偶條件？）聰明、叻仔囉，靚仔過上一個就得。人要有進步空間嘅，以前唔識嘢，層次低啲。」
單車教練冇下文
談到早前單車之旅與隨行教練胡健燊傳緋聞，事後卻似冇下文，麥明詩靦覥說：「嗰時（指她旅程受傷時）都有感動嘅，依家會繼續練單車，仲考慮緊年底參加單車比賽。」
她又賣口乖，趁機「推銷」沐浴產品：「其實我哋成日拍劇冇得瞓，有兩個鐘休息時間嘅話，我寧願沖涼提神。如果同異性約會，我唔鍾意噴香水，咪等對方以為我刻意吸引佢，呢個時候沐浴露或洗頭水嘅香氣最幫到手。我有矜持，想走低調吸引路線。」