藝人蓋世寶昨午為ViuTV兒童節目《快樂童盟》錄影，她表示未離開無綫時，ViuTV已開始接觸她傾合作：「當時我覺得要尊重舊公司同合約精神，今次都係做嘉賓啫。」離開無綫約一個月，她直言收多了邀她工作的電話：「都有經理人公司接觸，但我唔想咁快有束縛，依家真係好自由。（多咗兒童產品代言？）有，但美容產品工作仲多，我仲乘機去V面同打眼袋槍，以前我好懶保養，依家要勤力啲嘞！」
