陳倩揚搣甩10磅着舊裙
藝人陳倩揚昨日為樂善堂陳廣興紀念基層醫療中心開幕禮擔任司儀，身穿螢光粉紅色連身裙的她分外Sharp醒，她興奮稱收身成功減去10磅：「呢條裙着過好多次，生妹妹之前着過，專登拎番出嚟，着得落啦喎！（有鬆？）對比起之前都可以再努力啲減多8磅，不過依家仲餵緊人奶，唔可以食太少，豁達啲諗，人生呢幾個月唔好對自己要求咁高，以前刻意太瘦，依家身體健康最重要，唔使太骨感，老公見我有少少肉哋都話OK。」
倩揚笑說今晨請了兩個鐘頭假外出工作，老公負責湊小朋友：「咁啱哥哥依家去咗興趣班，老公都可以一湊二。（佢可以一湊三？）我就試過，好開心呢個畫面終於出現，令自己更加有動力去做嘢。（幫囡囡扮靚？）依家有幫佢紮辮，母女裝就差唔多可以買，但我盡量都會將啲嘢用到盡，減少買嘢。」