車婉婉做人肉點唱機
藝人車婉婉前晚為無綫節目《流行經典50年》擔任嘉賓，獻唱20多年前的卡通片主題曲《每點愛都記住》，更自爆此曲未曾公開演繹過：「為咗操歌都有對囝囝『BBQ』唱，我仲係佢嘅人肉點唱機！上次我上完呢個節目，播出街嘅時候，佢睇到拉埋家傭想入去電視！」本來笑笑口受訪的婉婉，提起囝囝喘症發作即不禁「唉」了一聲，非常擔憂：「佢氣管好敏感，天氣一變化就會有喘症，醫生話如果處理得唔好會變哮喘，所以依家買咗部機畀佢聞氣，好想一收工就快啲返屋企，遲啲要開30集長劇都好擔心！」
同場資深歌手袁鳳瑛自爆相隔20多年再唱《仙樂飄飄處處聞》，坦言勾起不少回憶。講到她是「兒歌天后」，她即謙虛指陳松伶才是，又慨嘆現今因經濟問題而愈來愈少兒歌推出，十分可惜，她指若有投資者，都想開馬拉松式兒歌騷。