陳松伶傷膝眼瘀 自爆遭家暴？

陳松伶、陳瀅及陳煒等昨日為劇集《福爾摩師奶》宣傳，與劇中眾演員坐花車巡遊兼派禮物。松松自爆早前到廈門探老公班時不慎跌倒，雙腿、手臂及臉部皆擦損，現時膝蓋仍要貼膠布，她笑言：「我今日化咗濃妝同Smokey eye，係因為右眼跌到瘀黑咗，所以要咁化。我同老公講：『你死喇，老公，呢個係家暴樣！』」

撩張智霖合唱

她稱當日因天雨路滑而跣腳向前仆，還在地上滾了兩圈，笑言似拍動作片：「真係嚇親老公，跌完佢問我：『你知唔知自己係邊個﹖』我停咗15秒先答到佢。我當時係暈低咗15秒，之後老公帶我去醫院驗傷。依家老公日日打視像電話畀我驗傷。」

另外，前晚張智霖上載了一張跟松松的合照，網民大讚兩人保養得宜，松松謙稱大家都老了，並指希望在音樂上合作。

陳松伶	陳瀅被兩男夾攻，食餅啦你！陳瀅被兩男夾攻，食餅啦你！	陳煒歌影視三棲發展，豬籠入水。

陳瀅有經濟壓力

至於陳瀅日前被本報影到為慳五毫子膠袋錢而攬鑊行街，她解釋：「我好環保，冇必要都唔會用膠袋同膠樽。」問是否因在加國置業而有經濟壓力？她坦承：「係有，所以要睇住嚟使錢。」而陳煒透露還有三套劇集已拍未播，稍後會接拍電影及綜藝節目，更會為區瑞強的演唱會擔任嘉賓，實行歌影視三線發展。