康華擇偶冇要求接受姊弟戀
最近轉型當歌手的演員康華，被網民封為「唐代Rapper」，引起很大回響。她為東網巨星節目「海馬牌床褥特約」《閨蜜睡房》擔任新一集嘉賓，與主持人李惠儀暢談感情世界和工作。單身多年的她透露擇偶條件，能夠接受姊弟戀，對另一半沒有特別要求。
幾年發一次脾氣
康華又稱沒想過當歌手，笑言多得劇集《宮心計2深宮計》，有人將她的押韻對白剪輯，效果似Rap：「啲網民叫我唐代Rapper。」她覺得演員與歌手有很大分別：「歌手係好獨立性嘅，準備好晒一上台，就係你一個人嘅事。但演員係群體性，一個人嘅表演會影響到其他人。」從演多年，雖未試過擔正女主角，但她絕不會氣餒：「我覺得如果你未去到一個成績，證明你仲未夠努力，未做到觀眾嘅要求，就要繼續努力。」
性格平和的她自言甚少情緒波動：「咁多年來我都係長期處於平靜嘅狀態，不過都有發脾氣，但可能幾年或者十年先發一次。」想知道更多康華的愛情觀及床上秘密？記得本星期五、六、日收睇《閨蜜睡房》喇！
