3個月減廿磅袁偉豪瘦剩棚骨
藝人袁偉豪主演的無綫劇集《鐵探》4月1日首播，飾演重案組督察尚垶的他為救同袍，被悍匪向頭部轟一槍，雖然奇迹生還，但受盡創傷後遺症折磨。為了演活這個角色，他透露拍此劇時要於3個月內由160磅極速減至140磅，更在10日內脫水達到極瘦狀態，情況就如英國男星「蝙蝠俠」基斯頓比爾（Christian Bale）為角色增肥又變瘦。
瘦到排骨盡現的袁偉豪受訪時表示：「我平時有做運動，所以都有啲肌肉，雖然本身係瘦底，但要瘦到嗰種狀態，惟有用最唔健康嘅方法減磅，就係節食。當時我只可以食啲冇味同極小量嘅食物，好似烚蛋、煎個番茄當晚餐咁。」他坦言本身為食，又是愛跑一族，減磅過程真的很艱辛，因為當時不能吃又不能做運動，試過一次拍攝期間去跑步，中途突然頭暈及見白影，原來是血糖過低！
