阿Sa露底戰衣揀唔落手

藝人蔡卓妍（阿Sa）昨日聯同葉童及吳浩康到演藝學院伯大尼校園為英皇電影《非分熟女》舉行分享會，葉童大讚阿Sa演得好：「佢拋開靚女包袱，好平實咁演呢個角色，本身個角色可以演得好浮誇，但佢控制得好好。」阿Sa即自嘲：「因為我唔係靚女嘛！」問會否對角逐金像獎影后更添信心？阿Sa說：「唔係有信心就可以攞獎，冇信心都可以攞到獎。」
蔡卓妍
蔡卓妍

頒獎禮將至，她表示不緊張，反而忙於揀戰衣，葉童讚她日前出席Filmart的大露背好性感，阿Sa笑說：「嗰套已經最平實，呢排一借衫，大家都以為我係借去金像獎，啲款全部都好勁，依家係愈少布愈貴，真係好唔抵！有啲款，我直頭覺得出面點會有人買o架？成條底褲露晒出嚟喎！呢啲我一定唔揀啦！」

蔡卓妍、葉童及吳浩康到演藝學院分享演戲點滴。
  • 蔡卓妍、葉童及吳浩康到演藝學院分享演戲點滴。