小花峇里撞邪聞恐怖歌聲
韓星金鐘國、Eric Nam、韓團U-Kiss前成員Alexander及香港KOL譚杏藍（小花）等，昨日在新加坡出席發布會，為明日在黃Viu煲劇平台獨家首播的不眠旅遊真人騷《No Sleep No FOMO》造勢。
在香港蛇店取景的金鐘國大談食蛇羹的體驗：「我為咗健康乜都食，但蛇真係好怪！不過其實係好味！」Alexander則入海裸泳：「好驚，我唔識游水，心諗下面好多魚咬我點算？」而譚杏藍在峇里島挑戰入住鬧鬼酒店：「好恐怖！成隊攝製隊走咗，當Paul Foster去廁所，我就喺後面睇水，之後怪事發生，兩部機突然熄咗，我哋仲聽到有人唱歌。」Eric則笑言想擁有不用睡覺及飛天的超能力。其後眾人分成兩隊玩遊戲，大跳女團TWICE的《TT》「比舞」，當中Eric的一隊在「鬥舞」及「鬥飲美祿」環節中勝出，而金鐘國一隊則在鬥食檸檬比賽中扳回一仗！
（特派記者甄子健新加坡報道）