黃心穎 黃浩然情侶裝出埠

心穎坦言事前冇與黃浩然夾過服飾，但首次合作就已默契十足。

問到兩人劇中關係，他們表示是出生入死的同伴，浩然說：「估唔到男女之間都有呢一種感情，開心、唔開心都一齊經歷。（情侶？）賣個關子先，關係幾微妙。」兩人更不約而同穿上同款衞衣，猶如情侶裝，他們笑言已培養出默契，心穎說：「我哋有共同朋友整呢件衫，我唔知佢會着，諗住襯番個篋同影吓相，證明我哋已經好有默契。（覺得浩然呢位前輩點？）我哋都係第一次合作，開頭以為佢好Cool，但原來比想像中多嘢講！」浩然笑言心穎比男人更男人：「佢好爽朗，我哋溝通可以好直接，唔使修飾。」

• 梅小青率領大隊飛台灣拍攝一星期。