鄭嘉穎熟手掃風 囝囝請飲茶

鄭嘉穎講起兒子即眉開眼笑。

鄭嘉穎昨日與黃百鳴、林家棟、譚耀文、林峯及古天樂等在灣仔會展舉行的影視博覽活動為新片《P風暴》造勢，對於片中有不少動作戲份，鄭嘉穎直言最多動作戲是在直升機機艙的一場：「機內較窄，所以有啲難度，要打都幾考功夫，不過都OK，同林峯識咗咁耐未試過一齊拍動作戲，幾好玩！」問到現時拍戲會否較「錫身」，他直言不會：「依家出嚟拍戲唔會一啲動作都冇，都係正常咁做，太太（陳凱琳）都係演員，佢好明白。除非唔做演員，我又唔想咁快唔做住！」

提到日前剛滿月的囝囝，鄭嘉穎即一副有子滿事足的模樣，直言時刻心掛掛：「掛o架，有小朋友嗰啲就知。佢兩個零鐘就會叫人，需要好多耐性照顧佢。（湊仔愈嚟愈熟手？）做得多工多藝熟，了解佢脾性多咗，知佢咩樣係肚餓定係有便便。（你最熟手係餵奶、掃風定換片？）有做晒，掃風最難，因為佢唔會坐定定畀你掃，做老竇都知，佢吐出嚟嗰下最有滿足感，我都係撞手神，唔係次次順利。」又笑言囝囝有「請飲茶」：「我企喺側邊陪佢玩，陪月幫手換片，點知突然一Pat暖嘅嘢射咗上塊面。」

古天樂、黃百鳴、導演林德祿、林峯等出席電影宣傳。	林家棟將到內地及馬來西亞開工。	今天生日的譚耀文，昨日現身活動為新片造勢。

林峯古仔再合作

另外，古天樂與林峯在台上表現得惺惺相惜，古仔直言已18年冇跟林峯合作，大讚對方比以前成熟穩重。至於大部分都是監倉戲的林家棟笑說：「收多咗o靚！唔使自己郁手！」又指稍後會到內地及馬來西亞等地拍戲，會爭取時間練好普通話，以應付拍攝需要。