惠英紅找數晒泳照
剛於亞洲電影大獎奪「最佳女配角」的惠英紅，昨日火速投入工作，談到頒獎禮後隨即「找數」晒三點式，她笑指全因相片儲於手機內。問到是否還有泳照「存貨」？她笑說：「仲有！啲相係細妹影，有四套泳衣。（你身材好弗喎！）都OK，有做運動，本身都有肌肉。」
對於經理人公司老闆楊受成留言指睇到流鼻血，會否提議她影寫真？惠英紅說：「梗係唔會！少少甜頭就算，睇得多會膩。（冇負評唔驚啦！）我謙虛嘛，之前日日做運動，但都未算係最弗，叫做有腹肌。」問到泳裝曝光後，可有更多異性邀約會？她即自誇向來多人約，只是工作太忙未有理會。至於講到主演的無綫劇集《鐵探》即將播映，問到若收視理想，會否再上載性感裝？她說：「唔好『坤』我，好似袁偉豪同姜皓文話收視好會露毛，我就冇啦，最盡三點式，再少就冇可能，擺唔到上網！」
