蘇可欣藥物敏感 口腫面腫晒水着
參選2016香港小姐而入行的蘇可欣（Eunice），早前與藝人鄭衍峰到了泰國清邁拍攝節目《3日2夜》，為了配合在當地玩激流的環節，Eunice穿三點式泳衣大騷美好身段，再配上牛仔熱褲大騷白滑長腿。
一杯即醉
鏡頭前她表現得精神奕奕，其實是帶病上陣：「我一去到清邁即刻病咗，但竟然對感冒藥敏感，食完成身出晒粒粒，其實我着泳衣拍攝時，粒粒仲未退，又口腫面腫。我未玩過激流，一路玩都覺得冇嘢，點知有一下導演跌咗落水，嗰下我就真係驚，我驚導演如果為咗拍呢個節目而整親受傷，我會好內疚。」
此外，在當地一間酒吧取景時，Eunice自爆飲醉酒：「玩完激流，大隊去咗一間酒店嘅酒吧拍攝，我本身唔飲酒嘅，但為咗鏡頭好睇，就同鄭衍峰一人一杯乾咗佢，點知飲完之後就醉咗。」