林奕匡在新歌《買不到的快樂》MV中，最主要帶出快樂是金錢買不到的訊息，情節與其現實生活不謀而合：「MV講我有好多鞋同雜物等，執嗰陣要抉擇邊啲唔要、邊啲要，我呢排都捐走一啲用唔着嘅物資畀人，唔做大嘥鬼，覺得好正囉！」
因為今次是在室內取景，他笑言是拍MV以來最舒服的一次：「以前嗰啲可能出面30幾度，但要着長褸，或者出面凍嘅時候要浸喺水入面，好似上次拍《花灑下的歌》係咁要沖凍水涼。今次連走景都唔使，算係好舒服！」
