袁彩雲唔反對囡囡入行
前港姐袁彩雲昨日帶同5歲囡囡到電台接受訪問，在加拿大定居的她表示每年都會回港，今次逗留一個月去埋旅行。她說今次囡囡回來想現場睇無綫兒童節目《Think Big天地》，順道帶囡囡參觀：「但唔會畀佢參加嗰啲比賽，老公話輸咗唔係咁好睇喎，所以只做觀眾。」
囡囡最近看到她戴后冠，袁彩雲說：「佢話我係公主，我同佢講我係Miss Hong Kong。（佢有冇講都想參加？）咁細個未知發生咩事，不過佢又真係貪靚嘅。」暫時她未發覺囡囡遺傳其演藝天分：「但啲朋友話佢鍾意表演同唔怕醜。（畀唔畀佢入行？）睇吓佢點，我好Free，呢行又真係幾有趣。」