吳業坤鼻垢比喻舊愛
歌手吳業坤昨日現身電台宣傳新歌《和懷念講再見》，教人如何用祝福跟以前的事講再見：「唔一定要憎恨，就好似人生有好多過客，例如朋友、戀人。」又抵死地以鼻垢來比喻過客們：「鼻塞嗰時先會發現呼吸嘅美好。」新歌尾段召集一班Fans獻聲，營造大合唱感覺。
日前為無綫新劇《大醬園》試造型時，龔嘉欣大呻被他毀掉其「貞節牌坊」，坤坤即笑指對方講漏「劇中」二字：「戲入面佢同朱晨麗都係妓院出嚟。（佢指同你傳緋聞？）係咩？唔好意思，對唔住，大家講笑啫！」隨即想扯開話題：「將以前發生嘅嘢畫上句號，包括同佢嘅緋聞。（唔驚再傳緋聞？）唔驚！免咗疫。」