陳豪禁囡囡選美

藝人陳豪昨日以嘉賓身份出席親子餐廳開幕禮，對於太太陳茵媺上載女兒Camilla穿公主服戴后冠，以及她當年手持權杖的合併照，問到女兒是否有潛質選美？他說：「唔好，佢出世已經好貪靚，見媽咪打扮會眼甘甘望實。我比較保守啲，但將來做乜就要佢自己決定。」能否接受囡囡穿泳衣？他坦言「最好唔好」，至於是否已禁止寶貝女三點式示人？他說：「又唔係，不過佢尋晚話要戴住個Elsa頭箍瞓覺，所以唔好畀佢睇到搽指甲油，佢會不斷強化。（避免畀佢睇到扮靚？）咁佢又特別可愛，打扮少少已經好可愛，所以唔好太過分。」