文凱玲擺酒話唔到事
藝人何浩文（Dominic）昨日與文凱玲帶領一班智障學員炮製愛心Cupcake，蜜運中的Dominic被問到會否帶女友做義工？他說：「佢本來都想嚟，但有嘢做咋！佢鍾意小動物，成日都想去愛護動物協會做義工。（咁好女仔仲唔快啲娶佢入門？）都打算，但冇咁快，等買咗樓先，都有睇樓，但藝人好難做按揭，計劃夠7成錢先買樓。」
而文凱玲則表示圈外男友擔任教師，平日很難夾時間見面，幸好拍拖幾個月已感情穩定，問到何時擺酒？她說：「未喎！我話唔到事，要問番男仔。（男友接受到你做藝人嘅時間？）有嘢做真係好難先見到，尋晚我哋都係喺坐車時見面，好似返去學生年代咁，不過都幾Sweet。」