現年49歲的拉丁天后珍妮花露柏絲（Jennifer Lopez），宣布與年輕6歲的美國前棒球巨星Alex Rodriguez（A-Rod）訂婚後，男方被前隊友踢爆一直背住珍妮花偷食「阿嫂」！
珍妮花宣布與2017年3月開始拍拖的A-Rod訂婚，並大晒巨鑽，幸福滿瀉。不過，A-Rod洋基棒球隊前隊友Jose Canseco隨即於社交網站留言，指控A-Rod是個不忠男，出軌對象更是他的前妻Jessica：「睇住珍妮花喺真人騷《勁舞擂台》（World of Dance）傳短訊畀A-Rod，但佢唔知道A-Rod一直『偷食』我前妻，真係可憐嘅女人，唔知道佢嘅真面目。」他又表示幾個月前曾與Jessica在一起，當時A-Rod曾致電給她，證明兩人仍有聯絡，最後更強調沒有誣衊對方：「我願意接受測謊機測試，證明我講A-Rod嘅事係百分百正確。」Jose與Jessica於1996年結婚，婚姻僅維持四年。
其實A-Rod被Jose指控出軌前，已有小報踢爆他曾「偷食」！報道指他於2017年背着珍妮花，搭上性感健身模特兒Lauren Hunter，互發情慾短訊及FaceTime直至同年中。其後，Lauren於訪問力數A-Rod：「珍妮花肯定會好震驚，佢如果相信A-Rod係忠誠嘅話，就肯定係白癡！」
不過，珍妮花似乎未受影響，與A-Rod飛到巴哈馬度假慶祝訂婚，還於海灘穿上比堅尼晒身材。