天生情婦樣康華避忌打招呼

現年43歲的康華近日以「最老新人」姿態Rap入樂壇，1994年參選港姐入行的她，畢業於演藝學院舞蹈系，跳唱自然冇難度。日前她接受東網節目《娛場》訪問時說：「最老新人係我自己改o架！咁大年紀先第一首歌，呢個事實嚟嘅！」MV中的她依舊風情萬種，對於外表常常惹人誤會，她無奈說：「有一段時間，我好怕去認識人哋嘅男朋友或者老公，我唔係好敢打招呼，連基本嘅禮貌都好似冇埋，好驚朋友誤會或者擔心，有啲朋友就算男友喺側邊都唔會介紹，我明嘅，外表係天生嘅，我真係冇辦法，但大家可以放心，我對有伴侶嘅男人完全冇興趣！」