鄧小巧思念外婆哭成淚人
鄧小巧有「治愈系歌手」之稱，不過其新歌《雲吞》卻令人愈聽愈想喊，極度洋葱，皆因歌詞是小巧與外婆的故事。小巧認為每個家庭都有自己的一種代表食物，自小由外婆湊大的她，每日也會吃雲吞做早餐，她說：「雖然唔係世界級美食，但獨一無二，充滿回憶，比世界上嘅珍饈百味更珍貴，係思念嘅味道！」
新歌由黃偉文（Wyman）填詞，小巧指Wyman有日問她屋企的代表食物，最終雲吞就變成了歌詞。而小巧與外婆的「合照」亦成為宣傳照：「張手拖手嘅相係婆婆瞓喺醫院，我拖住佢隻手影嘅。嗰陣每次探佢都怕係最後一次，好珍惜每一個摸到佢、同佢講嘢、見到面嘅機會。」雖然小巧只在MV最後一個鏡頭現身，但鏡頭後的她早已感觸得哭成淚人。