王浩信Mark哥上身 張振朗亂拋書包
藝人王浩信和張振朗昨日在屯門拍攝劇集《極道怪咖》，講述身為社團大佬的浩信原來是追星族，離遠見到藝人黃潤成扮的偶像「周潤發」即變狂迷，更戴上黑超咬火柴，模仿《英雄本色》的Mark哥。
浩信及振朗興奮表示本身也是周潤發Fans，浩信說：「我好鍾意佢！細個都有扮佢，前兩年行山見過，佢讚我《EU超時任務》做得好，我開心到不得了，希望將來有機會合作啦！」振朗亦自認「發迷」：「我藝訓班畢業戲都有扮Mark哥，畀人用三支槍指住個頭！」此時浩信即糾正：「好似係兩支或者四支！冇三支喎！」令振朗哭笑不得。
他們笑言今次合作再提升「無聊指數」，振朗說：「有幾場戲係開心到做完瞓唔着，夜晚都要講電話！」浩信亦笑說：「大家唔夠喉，Good Take咗都要繼續演多幾次，可能我哋心入面都有份無聊，佢真係無聊得好緊要o架！大家互相激發！」另外，提到傅嘉莉（Kelly）與呂慧儀反目，浩信指前日與Kelly拍攝時見她心情無異樣，並讚其演出相當搞笑。