闊別樂壇三年的馮允謙（Jay）昨日攜創作新歌《聲音導航》到電台做宣傳，問到「消失」之謎？他坦言因合約問題遭「雪藏」：「出唔到歌、電視曝光少咗，當時好辛苦、唔開心又迷失，雖然有Keep住寫歌，但眼見身邊嘅歌手朋友開演唱會、出歌出碟，戥佢哋開心嘅同時，覺得自己好似停咗喺度咁，所以用咗好多時間去旅遊搵快樂同靈感。」他又表示當時有諗過轉行，但自覺放不下音樂才再做歌手。
