唔失禮男友蘇玉華揀定靚裙

藝人蘇玉華與潘燦良、毛俊輝及劉雅麗昨日出席《香港話劇團2019-20劇季發布會》，談到潘燦良憑電影《逆流大叔》角逐今屆金像獎最佳男配角獎，阿蘇表示已獲對方邀請一同行紅地氈，她說：「好榮幸，依家諗緊着咩裙，希望唔會失禮佢，亦希望佢攞獎。（覺得男友攞獎成數高？）好難講，好多因素嘅，作為電影新人，我為佢驕傲，好彩拍到部好電影，得獎與否唔緊要，重要係可以一齊參與金像獎。」