獲贈星途全紀錄 陳曉東爆喊
即將在紅館舉行處男演唱會的陳曉東表示，今次個唱是與歌迷間的一個承諾，盡情與歌迷來個集體回憶。
入行多年，東東希望在不同階段用不同作品跟粉絲交朋友，認為這是做藝人最幸福的事。他笑說：「我成日話粉絲好殘忍，經常攞啲舊歌播畀我睇，對照番廿幾年前。（介意畀人話老？）唔介意，反而覺得幾幸福，因為好多自己嘅作品有時都忘記咗，但當我回歸香港樂壇時，好多粉絲就提醒我。」
密切如朋友
他又直指跟粉絲像朋友般密切：「佢哋會同我傾嗰部戲、嗰啲鏡頭，或者話我知用咗我邊首歌求婚，又話失戀時會聽我呢首歌咁，呢啲共鳴我當係無價寶。」甚至最近有粉絲將他出道所有影視的作品，包括MV、訪問片段、台灣綜藝節目、親善探訪及各式各樣的演出，全部儲存在硬碟，再透過經理人送給他，他笑說：「真係冇得頂！犀利過私家偵探。」說時更突然忍不住流淚，他說：「好多時佢哋（粉絲）比我更了解自己，真係好感動，唔好再講，我好眼淺！」
1995年出道即爆紅的東東，雖然近10年長居內地，但亦有留意香港樂壇，他覺得有些新進歌手很有才華，並說：「唔點名啦！不過我覺得歌手一定要建立自己嘅風格。」