康華「紅金」寶傍身無往而不利
47歲的無綫藝人康華，於幕前發展廿多年，近期更演而優則唱，加入樂壇分一杯羹，Rap歌殺出血路，受到不少觀眾及網民關注！她有這份堅毅的心，在這個娛樂圈打拚，過完一關又一關，原來有高人給她護身符，一張「觀音金牌」和「責袋紅封包」，令她無往而不利。
康華說：「呢張金牌係十幾年前一間廟嘅方丈畀我，放喺身邊已經十幾年，我當咗佢係護身符保平安！而另一個紅封包，係『錢母』，我放咗100蚊喺裏面，聽人話呢封利是唔好用，放喺手袋入面，當係『責袋』意思，即係長期有錢用，有招財作用！」
陳子才：觀音牌保平安順利！
玄學師傅陳子才說：「圖中為觀音牌及平安符，很多廟宇都各自有不同的吉祥物出售或贈予善信，而觀音牌用於贈予女善信尤為普遍，一般可以保佑平安、健康、順利，而觀音大士亦有『有求必應』之說，所以亦可保佑善信的願望達成。」