何遠東感激阮兆祥教路
藝人何遠東在演藝圈捱足10年，終於等到機會獲英皇電影《廉政風雲 煙幕》導演麥兆輝賞識邀他參演，他形容與導演「面試」過程夢幻：「只係傾吓偈，唔使Casting，佢話想搵個做戲嘅人，其貌不揚唔緊要，仲立即同我講個角色係點樣。」
回顧星途，阿東覺得當初加入無綫，因「唔知碇」而連累他人：「除清楚記得對白外，走位、望鏡頭，連去化妝間都去錯，同人講得最多係『對唔住』。」他最感恩是遇上一起拍劇的阮兆祥：「佢冇介意過我乜都唔識，執住手教我由擺低抽鎖匙，推門、除外套，點樣返轉頭畀部機拍到我個表情，好感激佢。」