田蕊妮送唱片李佳芯唔領情？
藝人田蕊妮昨日騷香肩到電台宣傳新碟，她笑言忙拍劇而延遲宣傳，不過新碟銷量不俗，之後會再派新歌《最親》：「呢首歌錄得我最多時間，歌詞好感動，聽到話好多人最鍾意呢首歌，聽完眼濕濕。」
提到她有意加推「阿田蜜蜜送」名額及去唱片舖搞簽名會，阿田表示稍後開會時提出：「我都40歲人，唔知仲有冇機會再出實體碟，停工一年做呢隻碟，好有信心介紹畀大家。」她又稱自掏腰包買了20張唱片送朋友，但所有人都「唔領情」：「個個都話要畀番錢我！李佳芯話要訂10隻，最初以為佢講笑，點知佢不停追我拎碟，我就同佢講不如送隻畀佢，又唔知點收佢錢，點知佢真係要10隻。」提到同唱片公司的孫耀威做了內地網紅賺大錢，阿田笑言會搵吳業坤幫她彈琴開Live唱歌。