蕭正楠生日飯黃翠如嗌小三買餸煮
藝人黃翠如及丁子朗昨日到銅鑼灣出席煤氣烹飪中心「好情人烹飪証書課程」發布會。近日忙趕戲的翠如笑指十分欣賞老公蕭正楠的愛心靚湯：「係曹永廉帶佢去街市買餸煲湯嘅，買買吓佢都自己識得去買，之前仲畀咗一壺湯我攞返去開工飲，搞到我好Warm之餘亦有啲內疚。」
談到自己的廚藝，她說：「少少西餐，都報咗名上堂。（嚟緊23號阿蕭生日喎！）佢講咗好多次想食大蝦粉絲煲同中餐，我請教咗人，希望嗰日放假啦，依家擔心連禮物都趕唔切買，如果曹永廉肯幫我買埋餸放喺屋企就最好。（叫佢幫手煮，但唔畀佢坐低食？）唔得，話晒都係小三。」談到日前為新劇拍攝重頭撞車戲，她說：「戲內所有人經歷生死，情緒崩潰，我都有少少整親條頸，嚟緊仲有場大車禍未拍呀。」