曾樂彤無師自通特技「變身」
橫掃樂壇多個新人獎的曾樂彤，出道前是美妝YouTuber，儲落不少忠實粉絲，除分享化妝貼士，又不時「變身」送驚喜，就是以特技化妝彩繪登場，在過去5年，她於個人Channel扮演超過20個角色，重點是全部都無師自通︰「對特技化妝、彩繪好有興趣，但當時呢門藝術唔係好普遍，就算買材料都好難，要四圍搵，其實做呢樣嘢都係畀自己當一個記錄、有藉口可以玩。」
樂彤表示最深刻是化成電影《自殺特攻：超能暴隊》（Suicide Squad）系列的多個角色，包括小丑女、蝙蝠俠、閃電俠等，她坦言整個計劃投資很大，最貴的一個假髮要5位數字︰「專登喺外國訂造，係啱自己頭圍同埋要係高髮質，結果成個系列出到嚟個效果好好，好滿意！」問到下次會挑戰邊個角色？她坦言沒有特定︰「呢個係自己嘅興趣，即使唔拍片，自己平時都會玩吓。」
