歌手鄭融昨日到電台宣傳新歌《13樓的大笨象》，坦言很開心外界反應正面，歌曲MV以遊戲方式跟歌迷互動，叫大家數大象數目，勝出者會有Cupcake。講到歌詞一句「為何人傾向做甚麼也是一雙」，她表示相當到肉，問是否很怕孤獨？她說：「細個成日鍾意搵人陪，但大個就覺得應該有自己空間，好似Karl Lagerfeld都有句金句，孤獨係最奢侈，最近我參與ViuTV一個戀愛真人騷節目，有四個20幾歲仲係單身嘅女仔，我覺得佢哋好勁，唔怕寂寞同群眾壓力，等有個男仔啱先一齊。」
