陳庭欣孭住幾層樓一額汗

陳庭欣戴住價值幾層樓嘅鑽飾，笑言連嘢都唔敢食。

Toby身穿性感晚裝大騷事業線，卻未及她戴上由頸項延至膊頭的鑽飾搶眼，價值等如幾層樓，令她大叫緊張：「未試過啲首飾去到膊頭，等陣都唔敢食嘢，要保持呢個優雅感覺。」她如此緊張，原來之前佩戴珠寶時發生「蝦碌」事：「啲首飾係一名男士拎嚟，佢又唔識點戴，整整吓發現漏咗對耳環，搞到我好緊張！」

唔敢亂行驚使大咗

講到收藏珠寶，她打趣表示香港小姐冠軍后冠就是最佳收藏品，問到可有現場挑選心頭好做嫁妝？Toby大笑說：「交番畀媽咪揀，佢送乜我都鍾意，最緊要有我三隻鸚鵡陪嫁就得！」又笑言曾有前輩教路不要在場內「亂走」：「有同事試過周圍去睇嘢，咁就使突咗當日份糧，所以我都唔敢行開。」問到有否諗定結婚戒指款式？她怕醜說：「冇諗過，交番畀男友諗。」

張名雅Fit爆回歸

兩個月前生B的名雅Fit爆亮相，不過跟未生前相比仍差8磅，現時開工有很多人讚她收身成功，有人更質疑她搵代母：「有人問我老公係咪餓瘦我，其實係自己努力做運動，同第一胎一樣有紮肚、做機。」對於陳凱琳未坐完月就出關接Job，她大讚對方好勁：「生完好似冇生過咁。（未坐完月係咪唔好吹風？）可避則避，但唔好匿喺屋企，我媽咪好開通，我要出去行吓佢都冇所謂，唔好凍親就得！」

Ana R.出騷，要影相「打卡」畀囡囡睇。

張名雅生完冇耐，Keep得身形好靚。