青雲家輝輪住送錢抽起高潮

劉青雲、張家輝、林嘉欣、袁富華、導演麥兆輝、英皇集團主席楊受成與太太等，前晚在灣仔出席《廉政風雲 煙幕》答謝宴。

楊受成不斷加碼

該片票房逾3千萬元，成為華語賀歲片票房冠軍，電影有此佳績，台前幕後當然開心，楊受成拿出六位數字現金大抽獎，掀起晚宴高潮。劉青雲和張家輝先後負責抽獎，導演麥兆輝更自掏一萬元與眾同樂，怎料抽中了自己，令他一臉為難，並笑言：「呢個唔係撞柱，因為撞柱係兩條，呢個係煙幕。」原本麥兆輝想再抽，但楊受成指抽中是運氣一定要攞，並二話不說豪派多一封萬元利是抽獎，之後又不斷掏現金加碼，令眾人起哄大讚他是好老闆！

家輝和青雲負責抽獎送錢。	老闆楊受成即時掏現金加碼抽獎！	放大圖片

青雲自嘲冇嘢撈

對於票房甚佳，青雲跟麥兆輝都表示滿意，問麥兆輝有否向青雲預留檔期拍續集？青雲搶答：「唔使特登留我，我都冇嘢撈。」麥兆輝則表示要考慮開續集或是另開新故事。青雲又說：「我冇所謂，因為可以同嘉欣繼續做對手，不過同另一個女仔都得，同導演都得o架！（老婆郭藹明呢？）呢啲導演決定啦，我好從容，睇吓劇本啦。」

《廉政風雲 煙幕》台前幕後舉杯祝捷，氣氛熱鬧。	麥兆輝一臉尷尬，原來他抽中自己。	湯怡和吳浩康出席答謝宴。

林嘉欣拒做阿媽

嘉欣亦歡迎《廉》片拍續集：「我做咩角色都得，但唔做媽媽，因為女演員做完媽媽好易被定型。」家輝搞笑說：「我做爸爸都得，好似色情片啲男演員咁，做完一次就好難甩。」她笑指家輝每次宣傳都口若懸河，他笑說：「呢啲係Package嚟。」見家輝皮膚明顯曬黑很多，原來他剛去緬甸拍戲十多天，笑言日日被太陽「癡纏」。