陳曉華預告空降搶分
芸芸佳麗中，亦見三甲熱門人選，包括香港代表陳曉華、吉隆坡佳麗彭嘉伊和倫敦代表賀灕灑。陳曉華狀態不俗，三圍為33、24、35，胸見「事業線」，腰部亦有線條，身形甚Fit。對於今日出戰，她輕鬆地說：「有似曾相識感覺，唔太緊張。（有冇得揮？）冇得比較，個個都咁好，特別係4號（王慧媛），佢做開運動，又控制飲食，保持好好狀態！」問到如何搶分？她視才藝表演為秘密武器，並大賣關子，只說：「空中表演，但冇太多時間練習，可能到時要打天才波！」
而彭嘉伊對於被捧為大熱表示開心：「會將壓力變動力，今次嚟比賽係想突破自己，已經覺得自己好勇敢，有獎係Bonus。（有咩準備？）節食啦！」至於賀灕灑則感激大家的鼓勵，自言冇壓力，問是否覺得贏梗？她說：「唔係，大家都好優秀。不過原定才藝表演所跳嘅舞蹈，臨時要改，可能要重新排過！」
