林淑敏抽中金豬反屈安德尊請食飯
「大小姐」林淑敏聯同「大王」安德尊、劉彩玉、宋芝齡及彭慧中等一眾《流行都市》主持出席在商場舉行的元宵活動，林淑敏在抽獎環節抽中「足金金豬」，可謂豬年行大運！她開心地表示這段時間好感恩，去年頒獎禮又攞獎，而《流行都市》這個節目也教會她很多：「我做呢個節目已經7、8年，由原本乜都唔識，好彩有大王同章志文教識我好多，好似一啲節奏同懶音都係志文教我，呢個係無綫最長壽節目之一，希望一直做落去！」
活動後拉隊開餐
問到會否請食飯慰勞大家？林淑敏笑說：「有大王喺度，唔使我，點解我咁鍾意大王，都係因為佢會請食飯又派利是。」講到元宵節，她稱會陪伴老公過，坦言老公比她更忙，她拍劇和主持時間反而較穩定。問到何時放假？她稱計劃5月返加拿大探親，已有4、5年沒回去，始終家人年紀大了，希望盡量多點陪伴！
至於大王表示活動後台前幕後去吃團圓飯，而農曆新年期間日日開工，問到豈不是賺很多？他笑說：「唔關事，反而係要開心熱鬧，我哋做娛樂圈最緊要帶歡樂畀觀眾同市民。」