周迅：有幸合作

內地女星周迅

與Karl有幸工作十數年，敬佩先生的專業與付出，生命有限，唯美永恒，走好。

名模琦琦

曾經行過幾次老佛爺嘅騷，好佩服佢，領導世界潮流，係一個不可多得的人，好難有人超越佢。佢係一個勇士，工作到生命嘅盡頭。

名模周汶錡

佢係永恒、傳奇嘅設計師，曾經喺巴黎見過佢，佢好有型，白頭髮同黑超係佢嘅標誌，好欣賞佢。

形象設計師郭慶彬

Karl每場騷均有驚喜又難忘，好似將場地變成超級市場、草原、冰山等都好特別，初入行喺書店遇見，難得能同佢合照。

名模陳嘉容

佢係天才中的天才，好多時設計師設計時都會有盲點，佢就可好明確將品牌獨立分開咗，係時裝界嘅傳奇。

名媛邱李茂琪

2011年見過佢，從小就好喜歡老佛爺嘅設計，對於一代時裝設計天才逝世，好可惜！

時裝設計師鄧達智

90年代初訪問過佢，當年佢嚟香港，原本只係畀咗早餐前一個鐘嘅時間我，但因為好好傾，佢取消咗之後嘅預約，同我一齊食早餐。佢為人好友善，隨身帶住一本sketch book，有咩idea就會畫出嚟，都有畫低我個樣。

時裝達人黃偉文

一早有做好心理準備，但仍感到無比心痛，很榮幸在去年12月可現場見證他人生最後一次Finale親身謝幕，衷心希望這不是陳腔濫調的「一個時代的結束」。