吳業坤一敵十二搵MIRROR做嘉賓

藝人溫碧霞前晚以中空裙性感現身錄製節目《流行經典50年》，她透露將會接拍一套香港電影，角色甚具挑戰性：「係飾演一個線人，係我從來未演過嘅角色，要花多啲時間去準備，造型上亦會有好多轉變，今次合作嘅配搭都好有新鮮感。」她又預告稍後會參與巴黎時裝周，趁機入新貨。
溫碧霞中空裙性感登場。
溫碧霞中空裙性感登場。

同場吳業坤自爆晚餐食太飽，故拍攝前不適兼嘔吐大作，而昨日他現身電台繼續宣傳《吳業坤小句號演唱會2019》，透露會邀請ViuTV出身的人氣男團MIRROR做嘉賓，並指是次合作乃唱片公司高層決定，不擔心會觸怒無綫：「只係諗喺音樂方面表演上嘅感覺，同12個人一齊上台覺得好新鮮。」驚被小鮮肉搶風頭？他抵死笑言會叫人「幫拖」，甚至無懼以一敵十二：「世上無難事，只怕吳業坤！」

吳業坤自爆飽得滯，獲利回吐。
  • 吳業坤自爆飽得滯，獲利回吐。