張振朗賴慰玲拍床戲周身痕

藝人張振朗、賴慰玲（Winki）、傅嘉莉（Kelly）等在黃大仙拍攝無綫新劇《極道怪咖》，講述兩女的龍頭老竇過身後，想奪位的徐榮與Winki另一半張振朗發生衝撞，兩幫人士對峙，場面緊張。

振朗與Winki飾演情侶，已拍了兩場床戲，相當尷尬，Winki笑言「拍到痕」：「大家都怕醜，錫錫吓開始『痕』呀！意思係周身唔自在，要講啲笑話緩和吓。」

振朗透露除了咀Winki，亦跟王浩信有「HeHe之吻」：「浩信又咀湯怡，幾個角色咀嚟咀去，成個角色穿勻晒咁咀！同浩信好熟，大家放得好盡，未試過同男仔咀咗成5、6秒！」

徐榮與張振朗「開拖」，做戲啫，好有火喎！	賴慰玲貴為龍頭之女，拉隊晒冷夠晒氣勢。	傅嘉莉上身密實，下半身短裙晒美腿。

傅嘉莉開工療Dry

在剛過去的情人節，Winki開工前後都跟老公食飯，而振朗則不想多提與緋聞女友楊偲泳如何慶祝：「都係工作啦！未做啲咩。（補祝？）睇吓有冇時間啦！（第一個情人節喎！）最緊要舒服，任何一對情侶日日都可以係情人節。」

至於Kelly表示劇中有感情線，在情人節已夠「療Dry」：「喺醫院開工度過都幾特別吖，我哋有派朱古力。」