無綫咪神陳婉衡（Alycia）昨日在社交網自爆被點錯相，她表示當時正乘搭港鐵去上跳舞堂，怎料有一名陌生男子趨前叫她欠債還錢，對她窮追猛打之餘並全程用手機拍下整個「追債」過程，可是Alycia完全不認識對方，而該男子亦理直氣壯地報警求助，嚇得她不知所措。Alycia說：「我好驚，諗住搵港鐵職員求助，跟住警察嚟到就好confused（迷惘），因為係嗰位男士報警，但係就見到我又喊晒又震晒咁。搞咗個幾鐘，原來嗰位男士好似點錯相。」
Alycia透露今次是人生第一次到警署，除大呼無奈之餘，更指自己十分黑仔，她說：「究竟邊個先係受害者？有冇咁黑仔，我冇呃你錢啊大佬，下次可唔可以搞清楚，搞到我miss埋跳舞堂。」事後她接受本報電話訪問時透露：「佢話我係新加坡人，仲話我呃咗佢百幾萬，真係唔合邏輯。好似話嗰個男人真係畀人呃錢，好似話係電話騙案。」